Ақпарат және қоғамдық даму министрлігі : Ауаға белгісіз зат таратқан ұшақ туралы видео Қазақстанда түсірілмеген

232 қаралу саны

Осыған дейін алып ұшақтың ауаға белгісіз зат таратқан видеосы «Қазақстанда болған жағдай» деген жазумен әлеуметтік желіге тарап кеткен болатын. Ақпарат және қоғамдық даму министрлігі бұл жалған ақпаратқа нүкте қойды, деп хабарлайды министрліктің Telegram-арнасы.

«Абайлаңыз, жалған ақпарат! Әлеуметтік желілерде ұшақтан қызыл түсті белгісіз затты аспаннан шашқан ұшақтың видеосы тарап жүр. Ол видеоның Қазақстанда түсірілгені туралы жалған ақпарат тарап кеткен. Қолдағы мәлімет бойынша, бұл ұшақ АҚШ-қа тиесілі. Ал ауаға шашылған қызыл түсті зат – өрт сөндіруге арналған», – делінген хабарламада.

Ақпарат және қоғамдық даму министрлігі жалған ақпарат таратқандар жауапкершілікке тартылатынын ескертеді.

Дереккөз: АҚДМ Telegram-арнасы

Бөлісіңіз